Nit ei Idee, dr Kopf isch lär und bald isch Morgestraich Das Värsliprünzle fallt is schwär, s'chunt nit dr glainschti Saich. Doch wo isch unsere Schnabelpryys ? E bitzli subito! Dr Obama het au ohni Nüt, dr Nobäl-Pryys überkho
Loose:
S`Federers die hän im Summer, Zwilling überkho. Die ganzi Wält het vo däm Wunder, freudig Kenntnis gnoo. Und wenn si d Bruscht bikömme denn tuets ne schandbaar gfalle. Obwohl si klai sin, hän si scho, Fröid an Tennisballe.
Loose:
D Frau Meier isch zum èèrschte Mool in ä Tango gschtyyge D'Diirr goot zue und s'Tram gyt Gaas sy maint sy wurdi fliege. Vo Dornach dur Basel ins Laimedaal, mit Gruuse dänggt sy draa. Und het am Schluss in Roodersdoorf fascht zwai Tag Jet Lääg gha.
Loose:
S Zwüschespiil
Loose:
Was immer du uffs Päggli kläbsch, der Poscht tuet`s nit pressiere. Ob A-Poscht oder B-Poscht, nüt duet dört funktioniere. Doch letschti hämmer gsee, die könne au pressiere, wenn si ihri Verwaltigsröt per Luftposcht tien spediere.
Loose:
Könne mir uns überhaupt, die neue Kampfjet laischte. E günschtigi Löösig wär do besser, dänke sich die maischte. Drum schwäbt uns als Lösig vor, vom Bryys här wär si fair. Mir mache doch mit Eeschrtyych zämme, e Kampfjet–Mobyliti–Air.
Loose:
E Sozialarbeiter sait zum e andere, ich han e schweere Fall. Die ganz Familie fiert sich uff wie im Schwainestall. Der Vater isch GAGA, der Soon dä haut, überall hets Wunde. Erschweerend kunnt denn no derzu, die läbe in Lybie unde.
Loose:
Usem Babbirkorb
Vom Schwimmbaad Ryynach in d Grien 80 fiert der Harasselauf. Doch d Gmainde nämme jetzt dä Suffspoort, ab däm Joor nimm in Kauf. Könnt nid dä Birswääg als Rekord im Guinessbuech drin stoo, und in als wältlengschts Pissoir dört yytrage loo.
Dä Bäärezwinger z Bäärn isch luftig, nimme alt und gruftig. Für d Bääre hets dèèrt zwische de Hegge, viil diskreeti Egge. Si könne sich zämme, wenn si sich schämme, ins Hyysli go verstegge. Esoone grüümigs Biotoop bruuchti au der Bundesroot.
D Frau Meier, die hets schandbaar stressig, und isch nit immer froo. Männgmool muess si ire Alltag, fluchtartig verloo. Si meeditiert in der Glooschterzälle fuurt vo allem Lutten und Schnälle. Und das Joor tuet si im Glaibasel kuure, zwische de friidlige Stüggi-Muure.
... und zum Abschluss: Mirjam Jauslin auf Telebasel über das Chalumeau:
