Herr von Hagens, darf ich's wagens, Sie zu fragens, wessen Magens, Si do grad dien plastiniere Zem d'Körperwälte z'kompletiere. Schyns ka me die in China bstelle Am gynstigste vo Kriminelle. Wiesoo so wyt goo s'giengt doch schnäller, D'SWISS hätt au no, Lyche im Käller.
Loose:
S'Meier's mache voll Elaan Fir der Binggis ä Läbensblaan. Optimiere miest me d'Geen Und d'Hoochbegobte-Schuel wär scheen. Denn gwünnt das Kind der MusicStar Wird Chef und Milliardär sogar. Und isch är grau und zittrig, heschen Als Sänger in der AVO-Session. Und als Grais, är isch fascht doot Wääle s'en no in Bundesroot.
Loose:
... und als Grais, är isch fascht doot Wääle s'en no in Bundesroot.
Vor luter Bundes-Konkordanze Gheit s' Metzler Mätzli uff e Ranze. Der fir kunnt nei in d' Bundessippe Der Blocher mit der Voogelgrippe. D' Wyyfläsche Couchepin rieft us Bäärn Le Volk dä edd mi nüm so geern. Kumm Pascal muesch dy nit schiniere Und loss dir au e Mesch fryysiere.
Loose:
Wär weiss bald stoot in Basel's Anale Die letschti Kischte muesch sälber zaale. Doch zeerscht bikunnsch, es isch kai Hoon D' Gaasrächnig fir dyy Kremation. Ich wett, ich wäär e Fläsche Wyy Das wuurdi vyyl rentabler syy. Denn kunnt's emool zem letschte Schlugg Git's am Änd no s'Depot z'rugg.
Loose:
Der Duubel- Yuu Bush, het im Hirni Sars Drum will äär meeglichscht schnäll zem Mars, Dasch doch dypisch, duet me dänke Dä will doch vo sym Buff ablänke. Der Deiss sait denn im Bundesroot Woo's Thema um dä Marsgluscht goot. Diend mi mit däm Mars verschoone Ich blyyb bi der Tobleroone.
