Der Wald am Schlipf isch abrasiert, doch z Lörrach isch me konschterniert: si hän trotzdem, das fuxt si sehr, kei freii Sicht ufs Mittelmeer.
Loose:
Wenn ain im Altershaim duet trinke, Kaa d Läbenszyt um d Helfti sinke. Doch blybt`s glyych punkto Qualiteet, Will dä jetzt alles doppled gseet.
Zerscht miesst ihr euri Händli wäschen, Will mir nochhär tüen znüni ässen. Wir tun jetzt hüt mit Frühdeutsch starte, Seit d Lehrerin im Kindergarte. Laufed ein Bitzchen – Birnenschnitzchen!
Der Marquart Jürg isch ganz e taffe, Alli meechte für ihn schaffe. Är suecht am Fäärnsee Siibesieche, Wo nem hinde yyne krieche. Der Chris hebt au sis Fuudi ane. Er duet dermit kai Job aa baane. Nur aine wo schlächt gseet riefft munter: S isch also doch e Glatze drunder.
S Tante Trudi wirft in d Runde: Am Kopf isch är schüücher als witter unde.
Loose:
Willsch du zue de Gscheite gheere, Denn kasch jetzt uff dr Einstein schwèère. Bisch dumm, haltsch nyt vo däm Gefasel, Denn schwèèrsch aifach uffs Bisch-dumm-Basel.
Dr Bischof Koch, oh quel malheur het z Röschenz hinden ä Saboteur.
Loose:
Wenn ä Bär in sim Revier Gnueg z frässe het, denn bliibt das Tier. Är goht denn nid in fremdi Länder, Für ihn isch d Gränze wien ä Gländer. Das seit zum Swisscom-Chef der Merz, Als Gliichnis, nid als dumme Scherz, Für d Telefon-Halsabschniider gits Gnueg dummi Schoof, do in der Schwitz.
M-Budget – Prix Garantie, dasch unseri Yykaufs-Melodie. Mir syn jo gspannt, wie d Zuekunft klingt, wenn me denn s Aldi Lidl singt.
Loose:
E EU Buur offeriert ganz schlau Im e Schwyzer Buur e halbi Sau. Doch dä läänt ab – er syg nit dumm E halbi Sau, die fallt doch um.
Lieber ä halbi Sau dehaim als im Lääbe gar kei Schwein.
Loose:
E Italo sait voller Wuet, D Roche raubi ytaliäänischs Guet. Und saagi däm jetzt Tamifl u, Derbyy haisst das Tiramisu.
Loose:
Ga ga ga ga ga ga gaa Ga ga ga ga ga ga gaa Ga ga ga ga ga ga ga gaa Ga ga ga ga ga ga gaa Ga ga ga ga ga ga gaa Ga ga ga ga ga ga gaa Ga ga ga ga ga ga ga - gong Das isch der Vogelgrippe-Song
