S Frölein Blocher duet me frooge, Was haig si zue däm Kauf bewooge? Vom Bappe syyg dä Rootschlag koo, Zeerscht emool ganz KLEIN aazfoo.
Loose:
E Loch im Zaan, stoot in der BaZ, Flickt d Zaanklinik am Äscheblatz. Daas Loch wird gfl ickt und macht nümm wee, Dochs Loch isch jetzt im Boorpmenee.
Loose:
Dä nei Casinobetonklotz Gfallt nid allne, doch was sotts. Me kaa, würd nur der Beton zelle, s Goetheanum uff der Barfi stelle.
Couchepain haisst im Dictionnaire: Schloofends Broot ... so ungefäär. Doch sott die Wurscht, kaas nit vergnaisse, Wienerli im Schloofrogg haisse.
Bym Kienbärgtunnel gits ä Kontrolle, mit vier Promill faart ein us em Stolle. Dä Maa dä het sich, in sym Kaare, Miesse Muet aatringge zum duurefaare.
Loose:
Em Couchepain git d Statistik ä Schregg, Er sait, die Alte miese an d Seck. Drum schtygt der Polo nomoll in d Hoose Und welzt sich verliebt in dän Alperoose.
Bi der Daagesschau mien si der Müller lo goo, är balzt jetzt als Heiri am Raadio. Au d Paola vom Felix fi ndet kai Rue, Si macht e Striptease und alles luegt zue.
S Dante Trudi sait mit eme smile: Was länge währt ... wird sälten geil!
Uff d Schuel frait sich der Fritz enoorm, Denn är bikunnt e Schuelunifoorm. Do seht är zwai Schugger, gheit fascht vom Stuehl, Aber so lang will ich nit in d Schuel.
Loose:
V o Viagra hört me fascht nyt mee. Has zletscht im Männerpfl äghaim gsee, Ai halbs wird dääne verabreicht, Dass kaine me uf d Fingge saicht.
Loose:
D Wätterfrösch schleen jetzt Alaarm: Dr Baasler Winter sig vyyl z waarm. Wär doch nur s Polarium doo, Denn kennt me d Tür e Spalt offl oo.
Loose:
V om Puppehuus zum FCB, Denn’s Parfum was will si mee? … Doch d Gigi blaant als greeschte Drumpf D Hauptrolle im Lääderstrumpf.
